Maahtoelutnjeme 2020 almetjehealsoem jïh jieledehaalvemem tjïerteste goh akte dejstie golme dåaresthfaageles teemijste skuvlesne. Learohkh edtjieh maahtoem åadtjodh mij gaskem jeatjah hijven psykiske healsoem eevtjie, jïh nuepiem vadta eensi veeljemh darjodh. Sjyöhtehke suerkieh teeman sisnjelen jieledehaalveme lea gaskem jeatjah sensualiteete jïh tjoele, medijeåtnoe, maehtedh raasth jïjtsasse bïejedh jïh mubpiej raasth ååktedh jïh åssjaldahkh, domtesh jïh relasjovnh gïetedidh (Udir, 2019).