TJUOVOS 3

VÁRAJDA VÁLLDET SUV GUT LA GIERDDAM SEVSALASJ ILLASTIMEV JALI RÅHTSATJIMEV

 

Sunji gut la illastimev gierddam la ájnnasamos ahte suv vuojnná ja sunji jáhkká. Danen la ájnas dahkat lanjáv gånnå sån iesj bæssá subtsastit dan birra majt iesj sihtá giehttot. Ale avtak nággi detáljajda. Álu li «bajelttjállaga» nuohkása. Javla dån la ávon gå oahppe subtsastij dáhpádusá(j) birra, ja dån sidá suv viehkedit váj dát ij galga vas dáhpáduvvat.

 

Bierriji liehket sierra ulmutja gudi galggi doarjjot ja viehkedit dav mánáv guhti la gierddam illastimev jali råhtsatjimev. Ja vas iehtjáda gudi doarjju ja viehkedi suv gut la galggam dahkam illastimev jali råhtsatjimev. 

 

Jaskada ja doarjo. 
Gulldala ja gatjádalá rabás gatjálvisájt. «Subtsasta ienebut dan birra», la álu fijna alodus. 
Diededa sunji máhttá aj viehkev oadtjot duola degu varresvuodaskihppijsujttáris jali psykolåvgås. 

 

Duodasta gatjálvisájt ja vásstádusájt maŋŋela gå lihppe ságastam. Da soajtti ávkken gå galggabihtit plánit majt dal dahkat åvddålijguovlluj. Jus galggá politijjajda diededit de sjaddá aj ájnas politijjajda gå galggi ássjev guoradallat.

​

Ale loabeda dån i galga aktasik giehttot majt oahppe javllá. Esski gå oahppe la subtsastam mij sujna la dáhpáduvvam máhtá dån árvustallat la gus dát mige majna galga iehtjádijda mannat jali ij. Ihkap hæhttu aj hieredimvælgov adnet.

Jus hæhttu ietjá ásadusájt sebrudahttet, de tjielggi agev oahppáj mav ja manen dav dagá. Jus dat guosská bulkkáj diededit, de rádudalá bulkijn majt máhtá oahppáj subtsastit ja goassa. Ajtu dát ij galga duv hieredit liehkemis doarjjan mánnáj jali nuorraj.