VUOGAS SEVSALASJ ÅVDDÅNIBME
Seksualitiehtta la oassen liehkemus ulmusj, ja åvddån iellema tjadá riegádahttema rájes gitta jábmemij. Mánáj seksualitiehtta la álu tjanádum diehtemvájnogisvuohtaj ja åtsådibmáj ja ij máhte ållessjattuga seksualitiehtajn buohtastahteduvvat. Mánáj seksualitiehtta moatte láhkáj åvddån boahtá; giela, duohtadime, ietjas jali iehtjáda rubmaha åtsådime, sevsalasj dåjma, ståhkam ja aktisasjvuohta.
Dán kapihttaljn oattjo oajvvadusájt dåjmajda ma åvdedi varres sevsalasj åvddånahttemav,
SEVSALASJ STÅHKAM
Máná álu ståhki seksualitiehta åtsådijn. Ihkap aktu jali iehtjádij siegen ståhki. Ahte máná ietjas rubmahav åtsådi ja vuollevájmov duohtadi la ållu dábálasj. Majt ållessjattuga dahki gå dáv ájttsi - sihke bágoj, jiena ja muodojn la fáron hábbmimin máná dádjadusáv ja dåbdojt tjanádum seksualitiehttaj. Ájnas la máná åtsådibme dåhkkiduvvá danen gå sevsalasj stoagos la viehkken váj máná ietjas rubmahij oahpásmuvvá, ja buorebut máhttá biedjat ja vieledit rájijt.
MÁHTTO JA JASSKAVUOHTA
Buorre aktijvuohta seksualitiehttaj ja máhtto ietjas rubmaha, árvoj ja vuojnoj birra li ájnnasa jus galggá jasska sevsalasj identitiehtav åvddånahttet. Dássta sjaddá sevsalasj ávvo ja vuogas sevsalasj dago.
SJIERVVEDIEDULASJVUOHTA
2-3 jagágin máná dádjadahttjáji ieridisáv báhtjaj ja næjtsoj gaskan, ja bukti ietjasa identifisierit juobbán. Åvddåla jáhkkin juohkkahasj dåbddå ietjas báhttjan jali næjttson. Uddni diehtep ij la nav álkke.
SEVSALASJ LUONNDO
Moaddása árrat ájttsi jus lijkkuji dån nuppe jali sæmmi sjærvváj, valla dábálasj la vehi ájgev adnet ietjas sevsalasj identitiehtav åtsådit. Dahkit rabás ja jasska birrasav, ja vuoseda duodastimev ja doarjjagav gå máná ja nuora sihti ietjasa sjiervvediedulasjvuoda jali luondo birra ságastit. Mánáj stuorámus ballo l hilgoduvvat.
Máná dárbahi jasska ållessjattugijt ma máhtti doarjjot varres sevsalasj varresvuodav. Sij dárbahi ållessjattugijt gudi máhtti ávvudallat sijá sevalasj åtsådime diehti, valla aj stivrrit ja duollit ulmutjahttemav jus sjaddá illastiddjen.
Varres ja dábálasj sevsalasj ulmutjahttem la ulmutjahttem mij la spontána, diehtemvájnogis ja suohtas. Goappátja galggi nav dåbddåt ja liehket avtaárvvusattja mij guosská álldarij, stuorrudahkaj, láddamij ja kognitijva doajmmamij.
SEVSALASJ ÁVVO JA HÁLDADIBME
Mánnájagijn biejaduvvá vuodo sevsalasj ávvuj ja háldadibmáj, ja jasskavuohtaj ietjas rubmaha badjel mierredit. Muossádime dájs vuostasj jagijs sjaddi de vuodon tjanástagájda ja lahkavuohtaj maŋŋela iellemin.
Vássteda sádnes ja ássjálasj láhkáj mánnáj. Dassta soajttá sjaddat vuodo rabás ságastallamij boahtteájggáj. - Jåhtulaktjuovgas
Varres ja dábálasj sevsalasj ulmutjahttem la ulmutjahttem mij la spontána, diehtemvájnogis ja suohtas. Goappátja galggi nav dåbddåt ja liehket avtaárvvusattja mij guosská álldarij, stuorrudahkaj, láddamij ja kognitijva doajmmamij.
