Máhttolåpptim 2020 dættot álmmukvarresvuohta ja bierggim la akta dajs gålmåjs fágajgasskasasj tiemájs skåvlån.  Oahppe galggi åmastit máhtudagáv mij duola degu åvdet buorre psykalasj varresvuodav ja vaddá vejulasjvuodav vásstálattjat válljit iellema tjadá. Guoskavasj suorge rijbbamin li duola degu seksualitiehtta ja sjierve, medijáadno, ietjas rájijt mierredit ja iehtjádij rájijt vieledit, giehtadallat ájádusájt, dåbdojt ja relasjåvnåjt (Udir, 2019).